«Әке – асқар тау, бала – оның баурайындағы бұлақ»

№180 мектепте 7-сынып жетекшілерінің ұйымдастыруымен «Әке – асқар тау, бала – оның баурайындағы бұлақ» атты әкелермен кездесу кеші өтті. Іс-шараға 7-сынып оқушылары мен олардың әкелері қатысты. Кездесу кеші әкелердің отбасындағы, бала тәрбиесіндегі рөлін дәріптеуге арналды. Шара барысында оқушылар әке туралы әндер орындап, өлең шумақтарын оқыды, сондай-ақ әсерлі би қойылымдарын ұсынды. Әкелер мен балалар арасындағы жылы қарым-қатынас, өзара сыйластық айқын көрініс тапты.

Мақсаты: Әкенің отбасындағы және бала өміріндегі маңызын насихаттау; Оқушылардың ата-анаға, әсіресе әкеге деген құрметін арттыру; Әкелер мен балалар арасындағы рухани байланысты нығайту; Оқушылардың шығармашылық қабілеттерін дамыту, сахна мәдениетін қалыптастыру.