Әл-Фараби атындағы ҚазҰУ профессоры, филология ғылымдарының докторы, ахметтанушы ғалым Жұбай Орынай Сағынғалиқызымен кездесу кеші

2022 жылы қыркүйек айының 23-і күні қазақтың біртуар тұлғасы Ахмет Байтұрсынұлының туғанына 150 жыл толуына орай, мектебімізде Әл-Фараби атындағы ҚазҰУ профессоры, филология ғылымдарының докторы, ахметтанушы ғалым Жұбай Орынай Сағынғалиқызымен кездесу кеші өтті.Кеш мектеп оқушыларынан құралған "Достық"хор тобының орындауындағы "Қазақстан" әнімен ашылды. Сонымен қатар оқушылар ұлы ақынның өлеңдерін жатқа оқып, оның ұлтқа жасаған еңбегі туралы сахналық қойылым көрсетті.
Орынай Сағынғалиқызы ұлы тұлғаның өмірі мен еңбектері жайлы біз білмейтін тың мағлұматтармен бөлісті. Ақынның қазақ тілі грамматикасына қосқан үлесіне салыстырмалы түрде талдау жүргізді. Бұл кездесу мектеп ұжымына да, оқушыларға да, жақсы әсер қалдырды. Өз көкейлерінде жүрген сұрақтарына жауап алып, ақынға деген құрметтері арта түсті.Кездесу кеші бәрімізге ерекше әсер қалдырды