6 "Ғ" сыныбына "Python тіліндегі сызықтық алгоритмдерді программалау" тақырыбында ашық сабақ өткізді

180 жалпы білім беретін мектепте "Информатика- ақпараттар ғылымы" атты информатика апталығы аясында 9 наурыз күні информатика пәні мұғалімі Жұбанова Нұргүл Жолдыбайқызы 6 "Ғ" сыныбына "Python тіліндегі сызықтық алгоритмдерді программалау" тақырыбында ашық сабақ өткізді. Сабақты мұғалім "Kahoot платформасымен бастап, "LearningApps.org" платформасы арқылы сабақты бекітті. Сыныпта жеке, топтық, жұптық жұмыстар жүргізе отырып, көрнекіліктерді және компьютерді тиімді пайдаланып, оқушылардың информатика пәніне деген қызығушылықтарын арттырды. Оқушылар үлкен ықыласпен сабаққа қатысып, мұғалім өз мақсатына жетті. Мұғалім мен оқушының ынтымақтастығы, олардың белсенділігі, шығармашылығы, заманауи педагогикалық және ақпараттық технологиялардың үйлесімі сырт көзді қуантып тұрды.