TIMSS зерделеуі

Алматы қаласы Алатау ауданы №180 ЖББ мектепте 2019 жылдың сәуір айының 19 күні Білім жетістіктерін бағалайтын халықаралық қауымдастық арқылы жүзеге асырылатын TIMSS математика және жаратылыстанудан білім беру сапасын салыстырмалы зерттеу жүргізілді. TIMSS зерттеуі-әлемдегі математика мен жаратылыстанудан сабақ беру және оқыту үдерістерін дамыту мақсатында жүргізіліп, қатысушы елдердің білім беру жүйесіндегі ерекшеліктерді анықтап түсіндіруге бағытталған.
Мектеп бойынша зерттеу жұмысына 4,8-сыныптар бойынша 52 оқушы және 4 сыныптың 26 ата-ана қатысты. Зерттеу бағдарламасына сәйкес оқушылардың математика мен жаратылыстанудан дайындықтары бағаланды. Зерттеу барысында Қазақстандағы жалпы білім беру сапасына әсер ететін факторларды анықтау мақсатында оқушылар, олардың мұғалімдері мен ата-аналары және мектеп әкімшілігі үшін сауалнама жүргізілді. Бұл сауалнама басқа елдердегі оқушыларға жалпы білім беруге қойылатын талаптармен бірге біздің елде жасалатын білім беру стандарттарының мазмұнын салыстыруға мүмкіндік береді.
№180 ЖББ мектептің оқушылары, ана-аналары және ұстаздары TIMSS зерттеу жұмысына үлкен жауапкершілікпен қарады.