М.Шахановтың туғанына 80 жыл толуына орай «Ақиқаттың ақыны» атты кітап көрмесі

№180 жалпы білім беретін мектеп кітапханасында кітапхана меңгерушісі М.Е.Бактиярова Қазақстанның Халық жазушысы, белгілі ақыны М.Шахановтың туғанына 80 жыл толуына орай «Ақиқаттың ақыны» атты кітап көрмесі ұйымдастырып, 5 «Ғ» сынып оқушыларына таныстырды.
Мақсаты: Қазақ поэзиясында өзіндік орны бар Мұхтар Шахановтың өмірі мен шығармашылығы туралы мағлұмат бере отырып, жырларының құдіретін сезіну, тіл шұрайын таныту, тарихи шындықты, сөз өнерімен өрнектелген әсемдікті түйсіне білуге баулу; Адамгершілік, рухани қасиеттерді оқушылар бойына сіңіру, отансүйгіштік сезімдерін шыңдау;
Мұхтар Шаханов - тілімізді тірілтуге үн қосты. Желтоқсан құрбандарын ақтады. Аралдың аянышты халін баяндады. Күллі шығысқа ортақ «Наурызды» ортамызға оралтты. Шындықты шімірікпей жайып салды. Тарих беттерінде өшпес өнеге қалдырды. Осы үшінде, Шаханов есімі өзгеден ерек. Азаматтық болмысы мен ақындығы тағы бір төбе.