Оқу және жазу дағдыларының алғышарттарын қалыптастыру
2024 жылдың 21 ақпан күні психологиялық-педагогикалық қолдау мамандары психологиялық-педагогикалық қолдауды қажет ететін білім алушылармен «Оқу және жазу дағдыларының алғышарттарын қалыптастыру» тақырыбында ата-аналардың қатысуымен ашық сабақ өткізді.
Мақсаты: психологиялық-педагогикалық қолдауды қажет ететін білім алушылардың:
Көру гнозисін, талдау мен жинақтауын дамыту;
Сөйлеу – көру функцияларын дамыту;
Оптикалық - кеңістіктік гнозис пен праксисті дамыту;
Көріп есте сақтауын және естіп есте сақтауын дамыту;
Ойлау қабілетін дамытуға арналған тапсырма
Оқу және жазу процесіне қатысатын танымдық аймақтарды дамыту.
Сабақ «Жүрек жылуы» деп аталатын психологиялық ахуал орнатылудан басталды.
Сергіту сәтінде балалар: «Мен ауылға барамын» әнін орындады.
Практикалық бөлімінде білім алушылармен топтық және жұптық жұмыстар жүргізілді. Жұптық жұмыстар ретінде келесі тапсырмалар ұсынылды:
Суретте бейнеленген әріптерді денеңмен көрсет;
Суретте бейнеленген әріптерді жылдам тап;
Шаршы, шеңбер, тік төрт бұрыш, үшбұрыш пішіндерін жіп арқылы жасау және т.б.
Үйге тапсырма берілді. Суретті сызық бойымен қолын алмай аяқтап шығып, бояу қажет.
Ата-аналар арасындағы жағымды психологиялық ахуалды қалыптастыру мақсатында «Дөңгелекшелерді түсіне қарай сәйкестендір» ойыны арқылы аяқталды. Түзетудің түрлі әдіс-тәсілдерін ата-аналар тәжірибе жүзінде меңгерді.
«Жылы жүрек» әдісі арқылы кері байланыс жүргізілді, ашық сабақ жұмысы қорытындыланып, қосымша үлестірмелі материалдар таратылды.